Наведванне тэатра – вельмі важная падзея ў жыцці дзіцяці, сапраўднае свята, якое запамінаецца надоўга.
27 кастрычніка кадэты вучылішча пабывалі ў Нацыянальным акадэмічным тэатры імя Янкі Купалы, дзе з захапленнем пазнаёміліся са спектаклем “Паўлінка”
па аднайменнай камедыі класіка беларускай літаратуры Янкі Купалы. Найстарэйшы спектакль тэатра карыстаецца вялікай любоўю гледачоў і за доўгія гады свайго існавання ператварыўся ў сапраўдную візітоўку, сімвал Купалаўскай сцэны. Сакрэт такога ўнікальнага поспеху – у спалучэнні яскравых народных характараў, цікавага сюжэту, народных песень і танцаў, мілагучнай мовы і выдатнага майстэрства выканаўцаў. Звычайную гісторыю пра тое, як дзяўчына абрала сабе жаніха насуперак бацькоўскай волі, народны паэт Беларусі Янка Купала шчодра аздобіў нацыянальным каларытам і сакавітым народным гумарам.
Для многіх юнакоў і дзяўчат гэта было першае наведванне найпрыгажэйшага тэатра Рэспублікі Беларусь. Спектакль пакінуў незабыўнае ўражанне. Пасля яго кадэты абменьваліся думкамі, рабілі фотаздымкі на памяць.
А.І. Вярбіцкая, настаўнік